Stemningsrapport Sandane

Ivrige Sandensarar utnytta barfrosten på ypperleg vis midt i veka. Dimmastien er eit godt val på denne tida av året. Pål Kristian kunne melde om glimrande føre, noko issvullar på utsette plassar men det er berre ei fin utfordring... 

Ruta finn du her: Rute 2, Dimma - Vereide

Pål Kristian "Nissen" Gimmestad

Veit det går fort når du bles trea overende

Fjordgløtt, på veg ned mot Vereide

Men sykkelsesongen var ikkje over...

Kong vinter er forsinka, på Vestlandet tyder det stort sett regn og labre sykkelforhold. Denne veka ser det derimot ut som om veret slett ikkje blir ille...

Yr leverer forhåpentlegvis....

Dagens tur gjekk frå skisenteret og ned til sentrum, tørrare enn på lenge. Mykje blaute sva i nedre del gjer at den kan bli spanande når temperaturen kryp under null, heldigvis har vi meir å ta av.... :)

Stemningsbilde frå trammen.

Første dose er gratis....

Mmmmmmmm.... Curnutt.....

Ein vanleg framgangsmåte for å sikre seg nye kundar i meir belasta miljø er å gje bort dei første dosane gratis. Enten det er på plata, i Nygårdsparken eller på skidemo under gromhelga her i Stryn viser dette seg å vere ein framgangsmåte som sikrar nye kundar om og om igjen.

Haust og ny sti....

Veret og kvardagen har i redusert tida på sykkelen i det siste men nokre stiar har eg klart å logge. Først og fremst stiar som er kjende for oss Stryningar men som kan vere vanskelege å finne for dei som ikkje er kjende. 

Nokre overraskingar ligg og på lur sjølv om ein har sykla i området i lengre tid. På ein kveldstur for eit par veke sida fann eg ut at eg skulle teste ein ny sti som eg har sett på lenge. Denne går frå Tverrfjellet og følgjer ein svarygg rett ned mot lysløypa, parallelt med barkeløypa mellom Hydla og Tverrfjellet. Den er ikkje lang men går på berg omtrent heile vegen, dette gjer den til eit fint substitutt for stien mellom Tonningsetra og Hydla som er øydelagt for augeblikket.

Den er og ein del av ein sti eg har vald å kalle Vestsida Enduro, ei rute med mykje nedover men som og har eit par tre parti med jobbing i motbakke og flatare terreng. Ei ypperleg enduroløype altså...

Eg har og logga ei rute nærmare sentrum(Sentrumsruta) som er godt egna no når dagane blir kortare og det er på tide å finne fram hovudlykta. 

Begge disse rutane finn du her: Stiguide Stryn

Ny sti på Sandane

Har lagt til ein ny sti i "Stiguide for Sandane". Turen er sydd saman Pål kristian Gimmestad og består av stiane som går mellom dei mange støylane på nordsida av fjorden. Dette er ein super stitur som inneheld alt frå sugande klatringar og oppovercruxing til flytsti og skummelt bratte nedovercrux.


This one goes to 11! 


Støylsrunden

Førstenedkjøring?

Etter å ha jobba på Storesunde skule i tre år var det på tide å gjere seg kjent i nærområdet. Skihella er ein mykje brukt tur for dei som bur i området, om dei har tenkt på å sykle der før er vel heller tvilsamt.... Dårleg kvalitet på bileta skyldast utstyret(telefon), ikkje fotografen.

Delar av stien var ikkje så aller verst.

Gryta, effektiv topptur i Stryn

Første del frå toppen er flat, det går fort over. Bilete frå ein tidlegare tur.

Løftar du blikket og ser mot nord når du står i Stryn sentrum ser du sannsynlegvis opp på Gryta. Toppen kan nok reknast som Stryn sitt byfjell. Med plasseringa så nært sentrum er det ein populær topp å ta turen til. Dette gjer at stien opp er godt egna og for oss syklistar. 

Sandane stibonanza! Tysdagsturen.

Denne dagen gjekk turen lenger ut mot Anda. På Vereide ligg Nordfjord folkehøgskule kanskje betre kjent som friluftslivsskulen. Etter Dagmar som herja nordvestlandet i romjula tok dei ansvar og rydda det som kanskje er den mest komplette stituren i området.

Sandane stibonanza! Måndagsturen.

Sjølv om vermeldingane ikkje var berre positive blei måndag og tysdag satt av til mange kilometer sti på Sandane. Til vestlandet å vere er terrenget, særleg på nordsida av fjorden, overraskande flatt. Dette gir moglegheiten for lengre turar med mykje god stisykling.

Då er vi igang! Med ei aukande interesse for stisykling og fleire forespørslar var det på tide å ta nokre grep for å gjere det enklare for stihungrige syklistar her i området. Med denne bloggen har eg som mål å samle flest mogleg sykkelruter i Nordfjord. Fokus vil vere på reine stiturar, enten det er toppturar eller flatare variantar. Alt frå skog til høgfjell.


Arbeidet med å logge rutene er godt igang. og nye ruter vil bli publisert fortløpande. Fokuset vil i første omgang vere stiane på Sandane og i Stryn av den enkle grunn at det er her vi har kommet lengst i utforskinga. Etterkvart vil vi og forhåpentlegvis finne perler i andre kommuner, Eid og Hornindal er gode kandidatar.


Målet er å lage gode stiguidar i tekst saman med GPS loggar av rutene. Dette vil gjere det enkelt for tilreisande å finne fram. Til no er det mogleg å sjå rutane på googlemaps. Målet er å legge ut gps spora som GPX filar slik at det blir mogleg å laste rutene ned på GPS. Dette blir forhåpentlevis mogleg iløpet av kort tid.


Første sti i Stryn er lagt ut allereie, denne finn du under fana Stiguide Stryn. 

Vårsti på Sandane

Meir vårsti på Sandane